asmaan ke kinare khade hain yoon hi,
aaj girne ko jee chahta hai..
pairon ke pankh bandhe the kabse,
ab khol ke udne ko jee chahta hai..
khayalon ko roka tha zindagi ke darr ne,
ab thoda sa darr ke bhi jeene ko jee chahta hai..
kinare pe khade yoon dekhte hi rahe hum,
ab kood ke tair jaane ko jee chahta hai..
na chaha tha tune, na hum kuch bole,
aaj fir bhi sab kuch keh jane ko jee chahta hai.
ruka tha main, jo tune bola,
aaj chalte rehne ka jee chahta hai..
zindagi hai ek,
bas jee jaane ko jee chahta hai.
chahe jaisi bhi ho,
bas jee jaane ko jee chahta hai..
khade the asmaan ke kinare,
ab gir ke udte rehne ka jee chahta hai..
